महिनाको एक डलर मातृभूमिलाई

काठमाडौं, पुस २० - अमेरिकामा रहेका प्रवासी नेपालीले 'महिनाको एक डलर मातृभूमिका लागि' अभियान चलाएका छन् । कांग्रेसको प्रवासी संगठन नेपाल जनसर्म्पर्क समितिले तीन महिनाअघि यो अभियान सुरु गरेको हो ।
संकलित रकम ग्रामीण र गरिबी इलाकाका विद्यालयमा शैक्षिक कोष स्थापना गरी छात्रवृत्ति दिने उद्देश्य रहेको जानकारी अभियान संयोजक शिव प्रकाशले दिए । उनले शुक्रबार राजधानीमा पत्रकार सम्मेलन गरी दिएको जानकारीअनुसार तीन महिना अवधिमा करिब १० हजार अमेरिकी डलर संकलन भएको छ ।

जनसर्म्पर्क समितिका साधारण सदस्यका निम्ति अनिवार्य रूपमा एक डलर बुझाउनर्ुपर्ने प्रावधान राखिएको छ । उनले सदस्यता वितरण तीव्र पारिएको जानकारी दिए ।