चियाको प्रस्तावले लुटेराको मन पग्लियो
हातहतियार सहित एउटा सुपरमार्केट लुट्न आएका लुटेरालाई त्यहींकी एक कर्मचारीले चिया र केकको प्रस्ताव राखेपछि नलुटिकन फर्किएका छन् ।.

चेक गणराज्यको Cesky Tesin शहरमा अवस्थित उक्त सुपरमार्केटमा यो घटना घटेको हो । ती लुटेराले त्यहाँकी कर्मचारी Marketa Vachova माथि आफ्नो बन्दुक तेर्साएर रकम मागेका थिए । तर Marketa ले ती लुटेरासँग नम्र भएर कुरा गरिन् र त्यस बेला त्यहाँ अरु कोहि पनि नभएकाले लुटेराले आफ्नो बन्दुक बिसाएर आफ्नो मनको कुरा उनीसँग बाँड्न थाले । Marketa ले उक्त लुटेरालाई आफ्ना सबै दुख बाँड्नको लागि आफ्नो घरमा चिया पिउन आउनको लागि आग्रह गरिन् । Marketa को कुराबाट प्रभावित भएर लुटेराले आफ्नो कार्यको लागी क्षमा पनि मागे र त्यहाँबाट फर्किए ।

हाल पुलिसले उक्त लुटेराको खोजी गरिरहेको छ, यदि पक्राउ परेमा उनले १० वर्षको जेल सजाय पाउनेछन् ।